Багийн Засаг дарга, сумын статистик хариуцсан ажилтнуудын чадавхийг бэхжүүлэх сургалт Ховд аймагт эхэллээ

Нийтэлсэн: 2017 он 05 сар 16. 12 цаг 15 минут

Үндэсний статистикийн хорооноос улсын хэмжээнд Багийн Засаг дарга, сумын статистик хариуцсан ажилтнуудын чадавхийг бэхжүүлэх сургалтыг 16 аймагт амжилттай зохион байгуулаад байна. Тус сургалт нь өнөөдөр буюу 2017 оны 5 дугаар сарын 16-ны өдөр Ховд аймагт амжилттай эхэллээ.

Сургалтыг Үндэсний статистикийн хорооны дарга А.Ариунзаяагаар ахлуулсан баг болон Аймгийн статистикийн хэлтэс хамтран зохион байгуулж байна.

Ховд аймгийн Засаг дарга Д.Галсандондог, аймгийн Засаг даргын орлогч Ш.Батсүх нар нээлтэнд оролцож, тус сургалтанд хамрагдаж байгаа 17 сумын статистикийн асуудал хариуцсан ажилтан, 91 багийн Засаг дарга нарт амжилт хүсч үг хэллээ.

Сургалтын гол зорилго нь багийн Засаг дарга, сумын статистик хариуцсан ажилтнуудад албан ёсны статистикийн үйл ажиллагаа, түүний эрх зүйн орчин, ажилтнуудын үүрэг хариуцлага, манлайлал, статистикийн мэдээ тайлан гаргахад анхаарах асуудлууд, тогтвортой хөгжлийн үзүүлэлтүүдийн талаар шинэ мэдлэг олгох юм.

Хоёр өдөр үргэлжлэх энэ сургалтаар статистикийн салбарын хууль, эрхзүй, статистикийн мэдээ тайлан гаргахад анхаарах асуудал, эдийн засгийн болон өрхөд суурилсан судалгаа, хүн ам, өрхийн мэдээллийн сан болон мал тооллогын мэдээллийн сангийн талаарх мэдлэгийг олж авах юм.


Сэтгэгдэл бичих

  7 хоногийн үнийн мэдээ
  /2018 оны 07-р сарын 04-ны байдлаар/
              Нэр төрөл Үнэ /төг/
  Гурил, I зэрэг, кг 1400
  Хонины мах, кг 7500
  Үхрийн мах, кг 7500
  Ямааны ястай мах, кг   6000  
  Элсэн чихэр, кг 2200
  Цагаан будаа, кг 2300
  Шингэн сүү, л 2300
  Бензин, А-80 1890
  Бензин, А-92 2010
  Дизелийн түлш 2190